Արևային վահանակների արդյունավետությունը մեծապես կախված է նրանում կիրառվող բջջային տեխնոլոգիայից։ Տարիների ընթացքում զարգացել են մի քանի առաջատար տեխնոլոգիաներ, որոնցից հիմնականներն են՝ P-Type, N-Type և TOPCon:
P-Type տեխնոլոգիա
P-Type վահանակները երկար ժամանակ եղել են արևային արդյունաբերության ստանդարտը։ Դրանք կառուցվում են բորով դոպավորված սիլիցիումի վրա և ունեն հետևյալ բնութագրերը՝
- Ավելի ցածր գին
- Արագ դեգրադացիա՝ հատկապես առաջին տարում (LID)
- Հարմար են մեծ մասսայական արտադրության համար
P-Type-ը դեռ լայնորեն կիրառվում է, սակայն փոխարինվում է ավելի արդյունավետ այլ տարբերակներով:
N-Type տեխնոլոգիա
N-Type վահանակները կառուցվում են ֆոսֆորով դոպավորված սիլիցիումի վրա։ Դրանք ունեն՝
- Ավելի քիչ լուսային դեգրադացիա (LID)
- Ավելի երկար ծառայության ժամկետ
- Լավ աշխատանք բարձր ջերմաստիճաններում
N-Type վահանակներն ավելի թանկ են, սակայն ապահովում են կայուն և բարձր արտադրողականություն երկարաժամկետ հեռանկարում:
TOPCon տեխնոլոգիա
TOPCon-ը (Tunnel Oxide Passivated Contact) նորարար տեխնոլոգիա է, որը հիմնականում կառուցվում է N-Type բջիջների վրա։ Այն պարունակում է օքսիդի շերտ, որը բարձրացնում է կատարողականը՝ նվազեցնելով էլեկտրոնային կորուստները։
Առավելությունները՝
- Արդյունավետություն՝ մինչև 22–23%
- Լավ կատարում ցածր լուսավորությամբ պայմաններում
- Բարձր դիմադրություն ջերմաստիճանային ազդեցություններին
Եզրակացություն: TOPCon-ը տեխնոլոգիա է, որը մեծացնում է N-Type բջիջների առավելությունները։ Այսինքն՝ ոչ բոլոր N-Type վահանակներն են TOPCon, բայց գրեթե բոլոր TOPCon-ներն ունեն N-Type հիմք։
Հայաստանի պայմաններում, եթե ցանկանում եք ունենալ առավելագույն կայունություն և բարձր արտադրողականություն՝ խորհուրդ է տրվում ընտրել N-Type կամ TOPCon տեխնոլոգիայով վահանակներ։ Եթե բյուջեն սահմանափակ է, ապա բարձր որակի P-Type վահանակներն էլ կարող են լավ արդյունք տալ: